Heim
Gamalostfestivalen 2010

Gamalostfestivalen 2010 vart gjennomført nesten som planlagt. Det var ei trist hending at Hopstock hotell brann, men takk vera tiltaksrike medlemar i idrettslaget greidde me å få til det som elles skulle vore på hotellet. Det gjekk òg greitt å hysa dei menneska som trong overnatting. Me er veldig glade for at ingen kom til skade i brannen.

 

Takk til alle som tok del i Gamalostfestivalen 2010, både artistar og publikum og støttespelarar.

 
Øvingstider 2010

Vik musikklag øver i Notestova kvar tysdag kveld. Me spelar frå kl 19. Alle som har lyst å spela eit instrument i lag med oss er hjarteleg velkomne. Er det mange år sidan du har spela, eller kanskje du aldri har teke i eit korpsinstrument? Fortvil ikkje. Me hjelper det i gang etter beste evne. Mange av medlemane spela sine fyrste tonar i godt vaksen alder.

Velkomne i Notestova.